Die replika van die President Paul Kruger standbeeld word op 10 Oktober 2025 in Orania onthul. Verskeie sprekers het die geleentheid gehad om hul gedagtes tydens die onthulling te deel.
Dr Danie Langner
“Sy lewe het weer met ons in die konteks van 2025 begin praat. 'n Groot roepstem het deur die eeue gekom, 'n appèl op elke Afrikaner, helder en dringend, soos 'n klok wat begin lui oor hierdie land.”
Riaan Jacobs
“Toe die reis om Oom Paul in Orania te vestig, begin het, was my eerste gedagtes iets soos dat dit 'n mooi huldiging is van een van ons groot volkshelde en ons moet ons erfenis bewaar, anders is daar niks meer oor nie'.”
Hannes Noëth
“Ons weet dat nie almal hierdie daad sal verstaan nie, maar in die woorde van een van ons grootste politieke antagoniste: 'n Standbeeld is nooit onskuldig nie. Dis 'n vorm van politieke kommunikasie, 'n aanspraak op ruimte en rigting, van wie behoort en wie nie.”
