Laat Koerania maandeliks by jou voordeur aflewer!

Redaksionele beleid

Koerania is 'n trots Afrikaanse gemeenskapskoerant vir Orania en die omliggende gebied, tans 50km radius.

Skryf / Redigeer / Publiseer  ·  Behoefte / Teikenmark / Produk

Wat doen ons:

• Lig in
• Voed op
• Vermaak
• Bevorder Orania
• Eie Arbeid / Eie Grond / Eie Instellings
• Afrikaans / Afrikanerkultuur / Christelik
• Fokus op akkurate nuus
• Kritiese waarnemer en nuusverskaffer

Redes vir Koerania se ontstaan:

Koerania het ontstaan weens 'n behoefte daaraan om die gemeenskap se geskiedkundige, aktuele en nuwe stories van inwoners te vertel. Die ryk en soms omstrede geskiedenis van Koerania se 33 jarige bestaan moet vir die nageslag gedokumenteer word.

Koerania se stories sluit onder andere dag tot dag Oraniakwessies, aktuele nuusstories, pionierstories, sakenuus, skolenuus, vermaak en sport in. Die menslike stories van ons mense geniet voorkeur.

Die uniekheid van Orania word deurtentyd uitgedaag en Koerania wil telkens die feite teen dogma of leuens beklemtoon.

Orania Instellings kan baat by 'n medium wat onafhanklik van elke instelling staan en hul mandaat deur advertensies en promosie-artikels bevorder.

Advertensies:

• Adverteerders vir Koerania word primêr in Orania gewerf
• Buite-adverteerders word stelselmatig betrek
• Buitedienste wat gereeld deur Oraniërs gebruik word, word vir advertensies genader (Hopetown / Van der Kloof / Kimberley / Johannesburg / Pretoria)

Sosiale media platforms:

• www.koerania.co.za
• Facebook
• Instagram
• TikTok

Hoe gaan Koerania dit doen?

Toekomsvisie:

Koerania beoog om die stad tot streekskoerant te wees en bly, en om daardeur Orania se groei te dokumenteer.

Personeelkorps:

Koerania bestaan tans uit:

• Redakteur en Advertensieverteenwoordiger: Dia van Staden
• Grafiese ontwerper en Uitlegkunstenaar: Derrick Venter

Privaatheidsbeleid

Hierdie beleid het ten doel om enige besoeker aan die webtuiste (koerania.co.za) van Koerania se beleid rakende die insameling, gebruik, en openbaarmaking van persoonlike data soos versamel wanneer u van die webtuiste gebruik maak en enige besluite wat met daardie data gepaard gaan, in te lig.

Ten doel van hierdie privaatheidsbeleid verwys "platforms" na al Koerania se webwerwe, sosialemediarekeninge, en/of enige ander tegnologie of meganisme wat u mag gebruik om met ons te skakel. "Dienste" verwys na enige inhoud (op die webwerf of elders) wat deur Koerania aangebied, besit, bedryf, of gehuisves word.

Beleid:

Enige inligting wat deur besoekers aan ons verskaf word, mag deur Koerania gestoor word en privaat gebruik word om sekere afleidings rakende ons diens en projek te maak. Sulke inligting mag ook met die onderskeie befondsers van die projek gedeel word, maar sal nie sonder wetlike ondertekening met ander vennote of derdepartye gedeel of verkoop word nie. (Koerania behou wel die reg voor om sekere afleidings met vennote en ander persone binne die Afrikaanse en medialeefwêreld te deel, mits die besonderhede van die inligting anoniem is of soos onder punt 7 bespreek). Inligting versamel sluit in (maar is nie beperk tot): name, vanne, e-posadresse, selnommers, geboortedatums, foto's, woon- en/of posadresse, akademiese inligting, IP-adresse en meer. Hierdie inligting mag versamel word vir kompetisies, registrasies, meningspeilings en meer. Die verbruiker stem hiermee toe dat enige inligting wat met Koerania gedeel word onder die bepalings in hierdie ooreenkoms benut mag word.

Ingesamelde inligting word as vertroulik hanteer. Die Koerania-personeel en diensverskaffers sal slegs met toestemming, of waar vooraf vasgestel is, of waar duidelik vereis word, erkenning aan bronne van inligting gee.

Inligting wat aan Koerania verskaf word, mag gebruik word vir navorsing, beplanning, ondersoeke, sowel as vir die verbetering van die platform en inhoud.

Koerania mag inligting ook om die volgende redes gebruik: Om u in kennis te stel van veranderings in ons diens. Om u in staat te stel om deel te neem aan interaktiewe geleenthede / geleenthede waarvoor privaat inligting benodig word as inskrywing. Om ontleding of waardevolle inligting vertroulik aan die bestuur van die platform te verskaf ten einde sekere afleidings te kan maak. Om die gebruik van die platform te monitor. Om tegniese probleme te identifiseer en reg te stel.

Koerania mag om die volgende redes (alhoewel hierdie lys nie beperkend is nie) met besoekers in kontak tree rakende inligting wat op die platform versamel is: Vir verdere inwin van inligting vir inhoudskepping. Vir terugvoer wat aangevra is deur 'n besoeker. Wanneer 'n persoon interaksie het op enige plasing en Koerania van die opinie is dat so 'n persoon beantwoord moet word. Deur die uitstuur van nuusbriewe (slegs na persone wat spesifiek ingeteken het op hierdie diens). Na afloop van kompetisies om met die wenners in verbinding te tree.

Persoonlike inligting wat deur besoekers aan Koerania verskaf word, kan met 'n derdeparty-diensverskaffer gedeel word ten einde die uitvoer van hul take moontlik te maak. Dit sal slegs gedoen word wanneer sodanige derdeparty-diensverskaffer 'n vertroulikheidsooreenkoms teken wat die entiteit of individu onderhewig maak aan dieselfde bepalings as die waartoe Koerania verbind is.

Besoekers se privaat inligting sal, afgesien van die ander bepalings hier aangedui, slegs aan derdepartye verskaf word indien 'n lasbrief deur die hof tot die effek hiervan uitgereik word.

Koerania bevat skakels na en vanaf webtuistes, mobiele toepassings en/of dienste van derdepartye. Deur op hierdie skakels te klik, of hierdie konneksies te aktiveer, kan derdepartye toegelaat word om inligting oor 'n persoon te versamel en te deel. Let daarop dat hierdie derdepartye nie deur ons geëvalueer is nie, ons geen beheer oor hierdie derdepartye het nie, en nie verantwoordelik is vir die privaatheidspraktyke van sodanige ander partye wanneer u die Koerania-platform verlaat nie. Ons beveel aan dat u die privaatheidsverklarings lees van elke webtuiste wat u besoek en wat persoonlike inligting versamel.

Daar is geen beperking op die tydperk wat Koerania 'n besoeker se inligting mag stoor nie.

Koerania maak gebruik van Google Analytics om sekere verbruikerspatrone te analiseer en inligting rakende demografie in te win. Hierdie statistiek is vertroulik.

Koerania maak van "koekies" gebruik om inligting oor lesers se internetgebruikspatrone te versamel. "Koekies" kan ook gebruik word om lesers se inligting te onthou sodat sekere invulvelde nie herhaaldelik ingevoer moet word nie, sowel as om as metingsinstrument te dien.

Ons kan ons privaatheidsbeleid van tyd tot tyd opdateer of wysig. U word genooi om hierdie beleid gereeld deur te gaan vir enige veranderinge. Wysigings van die beleid is effektief wanneer dit op die webwerf geplaas word.

As u op enige tydstip inligting oor u wil verwyder, kan Koerania direk hiervoor gekontak word.