Karoosig-aftreeoord ontwikkel
Die verdere ontwikkeling van die Karoosig-aftreeoord in Orania vorder goed. Elf bykomende woonstelle word beplan en konstruksie daaraan het reeds afgeskop. Karoosig-aftreeoord ontwikkel verdere behuising sodat ouer persone met gemoedsrus in Orania kan vestig, aangesien hul toegang tot voltydse versorging, dienste en veiligheid sal hê. Eie arbeid vir ons eie mense!
Willie verteenwoordig VF Plus
Willie Spies is op 10 Oktober as die VF Plus se streeksleier in die Groter-Pretoria streek aangewys. Hy sien uit na 4 November en glo inderdaad dat die Tshwane Metroraad nooit weer dieselfde gaan wees danksy 'n groter en sterker VF Plus wat dan deel van 'n splinternuwe stadsregering gaan wees.
