’n Blitslekker krimi, deur die topverkoperskrywer Irna van Zyl, wat afspeel in Hermanus en die Klein-Karoo, is in Pretoria bekendgestel. Gielie Hoffman het ‘n insiggewende onderhoud met Irna van Zyl gevoer tydens die bekendstelling van haar nuutste skrywe op 23 Mei by die Blou Hond in Pretoria. ‘n Rits bekendes het die bekendstelling bygewoon en daar is heerlik gekuier nadat Karin Hougaard uitsoekliedjies gesing het. Skinderpraatjies veroorsaak dat speuradjudant Storm van der Merwe tydelik geskors word. Die omgewingsaktivis Jane English nooi haar uit om op haar wildplaas neffens Barrydale te kom kuier. Maar Jane het ’n verskuilde agenda: ’n sindikaat het skaars vetplantjies van haar plaas gestroop en sy smeek Storm om die smokkelnetwerk oop te vlek. Kry jou boek by enige gewilde boekhandelaar.
