Op Maandag 3 Februarie het Orania Atletiekklub 'n naellopewerkswinkel aangebied waar naellopers die vaardigheid van naellope kon verskerp. "Enige persoon kan vinniger hardloop wanneer jy die basiese beginsels onder die knie het, tesame met harde werk." sê Jacobus le Grange, die afrigter.
Tegnieke vir die verskillende stadia in wedlope, fynere fokuspunte en spesifieke oefeninge is gedeel, asook dissipline-spesifieke versterkingsoefeninge. Maandag 10 Februarie was dit opgevolg met 'n blitsbyeenkoms. Hier kon die atlete en afrigter resies hardloop om die vaslegging van hul vernuf te toets. Komende Maandag om 18:00 doen hulle dit weer by die Orania Sportterrein. Wie is soos blits?!
