Orania se manne het onlangs die stoeimat oopgerol vir een van die beste sportsoorte wat enige seun of jong man kan aandurf. Jaco van der Merwe is een van die afrigters en moedig jong seuns, studente en ouer mans aan om by hul oefening aan te sluit. Cobus Kirsten en Willem Strauss neem ook die leisels tydens afrigtingsessies. Niklaas Buys tree aan wanneer daar oor selfverdediging gepraat word. Die oefentye is op Maandae vanaf 17:30 tot 19:00 en Woensdae oefen kinders tot graad 7 (tussen 6 en 13 jaar oud) vanaf 14:45 tot 15:45. Kontak vir Jaco by 083 963 7112 vir meer besonderhede of om aan te sluit by die bestaande groep wat reeds hard oefen aan hul soepelheid, veerkrag, spoed en stoeivernuf.
