Foto: Frik Bodenstein Dié groep manne het die Afrikaanse Toekomstrust Suid-Afrika en Eden Akademie verteenwoordig tydens die poging om die Witkruismonument se terrein netjies te maak en die kruise te herstel.

Wat in die eertydse geskiedenisboeke as Konsentrasiekampdag herdenk word, is daar op 16 Junie deur ‘n klein groep individue met kwaste, wit verf en skuurpapier hand in eie boesem gesteek. Daar is beplan om ‘n hele klomp kruise by die Witkruismonument tussen Polokwane en Mokopane, in ere te herstel. Dié inisiatief deur Lex Libertas het vir persone ‘n geleentheid gebied om deel te vorm van ‘n eerbare projek wat heeltemal te min ondersteuning kry. Plaasmoorde is ‘n prioriteitsmisdaad vir die Afrikaner en dié monument teen die koppie is ‘n tragiese herinnering aan hoeveel boerlewens geeis word terwyl hul in die sweet van hul aangesig die volk voed. Ongeveer 20 persone het hand bygesit om ‘n verskil te maak. Die gras is korter gesny, ‘n hele aantal kruise, wat in die harde en klipperige grond omval, is regop geplant, roes is afgeskuur en die kruise is weer wit geverf. Daar is nog baie werk op die terrein waar byna 2 900 kruise staan, en aan die einde van Augustus en vroeg in September is daar nog groepe wat dié poging verder sal neem. Lex Libertas is besig met ‘n veldtog om 3 000 kruise by die Withuis in Washington DC te gaan plant. Die fyn beplanning vir ‘n Washingtonkonferensie vooraf en die dag waarop die kruise geplant sal word is in volle swang. Daar is twee maniere waarop Afrikaners en ander ondersteuners betrokke kan raak. Jy kan hul petisie hier teken en jy kan ‘n kruis aankoop deur die volgende skakel te volg: www.whitecrossproject.org Persone wat by die monument in Suid-Afrika betrokke wil raak kan die voorsitter van die Witkruismonumentbestuur, Kobus de Lange by 084 710 3728 kontak of ‘n e-pos na rietvleyks134@gmail.com of 777boerdery@gmail.com stuur vir meer besonderhede.

Foto’s: Dia van Staden Enige individu kan hand opsteek om by die Witkruismonument en sy projekte betrokke te raak. Laat jou stem hoor, maar gaan oor in aksie om ‘n werklike verskil te maak. Kontak Kobus de Lange by 084 710 3728 kontak of stuur ‘n e-pos na 777boerdery@gmail.com vir meer besonderhede oor hoe jy betrokke kan raak.

Daar is op 16 Junie hand aan hand gewerk om by die Witkruismonument ‘n verskil te maak. Hardus Pretorius, Dia van Staden, redakteur van Koerania, en Frik Bodenstein het trots die Oraniavlag by die terrein gelig. Frik en Hardus besit ‘n waterfabriek en woon in Filadelphia Ark wat ‘n veilige hawe vir Afrikaners bied. Lede van daardie gemeenskap word deur hulle in diens geneem. Dié twee manne is opgewonde oor Orania en het reeds hul verblyfreg bekom, want hul toekomsplanne sluit Orania in! Foto: Monique du Plessis

Die Witkruismonument is 'n baken van verlies – foto 5

Foto: Dia van Staden Hardus Pretorius en Frik Bodenstein het skouer aan die wiel gesit om te skuur, te kap en te verf.

Foto: Klaas Prinsloo Lelanie en Xander Roets het hulle hande ook vuil gemaak deur te help skuur en verf aan die kruise.

Elmien Redelinghuys met die boek, Skaakspel, deur haar broer, Frikkie Roos geskryf. Dit vertel die verhaal van Chris en Leonise Joubert wat ‘n grusame plaasaanval in Augustus 2020 oorleef het.

Foto: Dia van Staden Kameraman Pierre Malan neem ‘n onderhoud met dr. Ernst Roets, uitvoerende direkteur van Lex Libertas, op vir ‘n mini dokumenter oor plaasmoorde wat hul tans bymekaar sit.

Etiket: Witkruismonument

Die Witkruismonument is 'n baken van verlies