Dian Steyn (2024 voorsitter), Anja van Wyk (2024 ondervoorsitter).

Dian Steyn en Anja van Wyk

Dian Steyn en Anja van Wyk sal gedurende 2024 aan die stuur van sake by Orania CVO-skool as hoofleiers staan.

Hulle sien daarna uit om deur ‘n sterk voorbeeld te lei en wil saam ‘n verskil in ander se lewens maak. “Ons sal graag na ons mede-leiers se opinies luister om by die beste kreatiewe plan of oplossing uit te kom,” vertel hulle. Leierseienskappe wat hulle admireer en wil nastreef is doelgerigtheid, dissipline, respek en ‘n vermoë om te diligeer. Hulle is gereed om hul mede-Dassies te dien, maar moedig elkeen aan om hulle beste pogings aan te wend om van 2024 ‘n sukses te maak. Dian sê: “Ek is oortuig dat ons skool in die toekoms nog baie hoogtes gaan bereik, met ons oë gerig op ons Hemelse Vader!”

Wilmien Janse van Vuuren en Sheva-Ann Nel

Wilmien Janse van Vuuren is die nuutgekose Voorsitter van Volkskool Orania se Senaat en Sheva-Ann Nel is as Onder-Voorsitter verkies. Dié twee meisies is dit eens dat ‘n leier mense moet inspireer om te groei. Hulle glo in effektiewe kommunikasie waar daar ook na ander se perspektiewe geluister word. Leierseienskappe wat hulle nastreef is eerlikheid, empatie, integriteit, goeie kommunikasie en lojaliteit. Hulle wil as ‘n span hul mede leerders motiveer en sien uit na die uitreikgeleenthede wat in samewerking met die gemeenskap beplan word. Hulle sê: “Mag die nuwe jaar vir al ons mede-Volkskolers ‘n tyd van groei en sukses wees. Pak alle uitdagings met selfvertroue en gryp geleenthede met entoesiasme aan. Mag daar nie net persoonlike groei wees nie, maar ook akademiese hoogtepunte bereik.

Wilmien Janse van Vuuren (2024 voorsitter), Sheva-Ann Nel (2024 ondervoorsitter)

Etiket: Skoolleiers

Orania se skoolleiers vir 2024